സനലിന്റെ കൊലപാതകം: ഡി വൈ എസ് പി ഉടൻ കീഴടങ്ങുമെന്ന് സൂചന

  • 8
    Shares

നെയ്യാറ്റിൻകരയിൽ സനൽ എന്ന യുവാവിനെ കാറിന് മുന്നിലേക്ക് തള്ളിയിട്ട് കൊന്ന ഡിവൈഎസ്പി ഹരികുമാർ ഉടൻ കീഴടങ്ങിയേക്കും. ഹരികുമാർ നൽകിയ മുൻകൂർ ജാമ്യാപേക്ഷ പരിഗണിക്കുന്നത് കോടതി നവംബർ 14ലേക്ക് മാറ്റിയ സാഹചര്യത്തിലാണ് കീഴടങ്ങാനൊരുങ്ങുന്നത്.

കൊലപാതകം നടന്ന് ആറ് ദിവസങ്ങൾ കഴിഞ്ഞിട്ടും ഹരികുമാറിനെ പിടികൂടാൻ സാധിക്കാത്തത് വലിയ വിമർശനങ്ങൾക്ക് വഴിവെക്കുന്നുണ്ട്. ക്രൈം ബ്രാഞ്ച് എസ് പി കെഎം ആന്റണിയുടെ നേതൃത്വത്തിലുള്ള സംഘമാണ് ഹരികുമാറിന് വേണ്ടി തിരച്ചിൽ നടത്തുന്നത്. തമിഴ് നാട്ടിലടക്കമാണ് പോലീസ് തെരച്ചിൽ നടത്തുന്നത്.

തിങ്കളാഴ്ച രാത്രിയാണ് വാഹനം പാർക്ക് ചെയ്തതിനെ തുടർന്നുണ്ടായ തർക്കത്തിനൊടുവിൽ ഹരികുമാർ സനലിനെ റോഡിലേക്ക് തള്ളിയിടുന്നത്. റോഡിലൂടെ വന്ന കാർ സനലിനെ ഇടിച്ചുതെറിപ്പിക്കുകയായിരുന്നു. സംഭവത്തെ തുടർന്ന് സനലിനെ ആശുപത്രിയിൽ എത്തിക്കാൻ പോലും നിൽക്കാതെ ഇയാൾ രക്ഷപ്പെട്ടു.

 

Leave a Reply

Your email address will not be published. Required fields are marked *