കേരളത്തിലും ചാവേറാക്രമണത്തിന് പദ്ധതിയിട്ടു, നിർദേശിച്ചത് ഐഎസിൽ ചേർന്ന മലയാളികളെന്നും റിയാസ് അബൂബക്കർ

പുതുവർഷ ദിനത്തിൽ കേരളത്തിലും ചാവേറാക്രമണത്തിന് പദ്ധതിയിട്ടിരുന്നതായി എൻ ഐ എ കസ്റ്റഡിയിലുള്ള റിയാസ് അബൂബക്കർ. കേരളത്തിൽ നിന്നും ഐ എസിൽ പോയവരാണ് സംസ്ഥാനത്ത് ചാവേറാക്രമണം നടത്തി കൂട്ടക്കൊലപതാകം നടത്താൻ നിർദേശം നൽകിയത്. കൊച്ചി അടക്കം വിദേശികൾ എത്തിച്ചേരുന്ന നഗരങ്ങളെയാണ് ലക്ഷ്യം വെച്ചത്. എന്നാൽ ഒപ്പമുണ്ടായിരുന്നവർ നിരുത്സാഹപ്പെടുത്തിയെന്നും റിയാസ് വ്യക്തമാക്കി

പിന്തുണ ലഭിച്ചില്ലെങ്കിലും ആക്രമണത്തിനായുള്ള ഒരുക്കങ്ങൾ റിയാസ് നടത്തി വരികയായിരുന്നു. ഇതിനിനിടയിലാണ് എൻ ഐ എ റിയാസിനെ അറസ്റ്റ് ചെയ്തത്. റിയാസിനെ ഇന്ന് എൻ ഐ എ കോടതിയിൽ ഹാജരാക്കും. പാലക്കാട് സ്വദേശിയായ റിയാസിനൊപ്പം കാസർകോട് സ്വദേശികളായ രണ്ട് പേരെ കൂടി എൻ ഐ എ കസ്റ്റഡിയിൽ എടുത്തിരുന്നു. ഇവരെ ചോദ്യം ചെയ്ത് വരികയാണ്

ശ്രീലങ്കയിൽ സ്‌ഫോടനം നടത്തിയ സഹ്രാൻ ഹാഷിമിന്റെ അനുയായികളാണ് റിയാസും കസ്റ്റഡിലുള്ള മറ്റ് രണ്ട് പേരും. സിറിയയിലേക്കും അഫ്ഗാനിസ്ഥാനിലേക്കും ഐഎസിലേക്ക് ആളെ കയറ്റി വിട്ടതിൽ ഇവർക്ക് നേരിട്ട് ബന്ധമുണ്ട്.



Nishikanth padoor വന്ധ്യതയ്ക്ക് പാരമ്പര്യ നാട്ടുചികിത്സയുമായി വൈദ്യരത്നം നിഷികാന്ത് പാടൂർ

-


digital marketing സോഷ്യൽ മീഡിയയിൽ പരസ്യം നൽകൂ; നിങ്ങളുടെ ബിസിനസ് വളർത്തൂ

-

Leave a Reply

Your email address will not be published. Required fields are marked *