സിൽചാർ-തിരുവനന്തപുരം എക്‌സ്പ്രസിന്റെ മൂന്ന് ബോഗികൾ കത്തിനശിച്ചു; ആളപായമില്ല
സിൽചാർ-തിരുവനന്തപുരം എക്‌സ്പ്രസ് തീവണ്ടിയുടെ മൂന്ന് ബോഗികൾ കത്തി നശിച്ചു. അസമിലെ സിൽചാർ സ്‌റ്റേഷനിൽ നിർത്തിയിട്ടിരുന്ന വണ്ടിക്കാണ് തീപിടിച്ചത്. തിരുവനന്തപുരത്ത് നിന്ന് ശനിയാഴ്ച രാത്രിയാണ് സിൽചാറിൽ വണ്ടി എത്തിയത്.
പാൻട്രി കാറിന്റെ തൊട്ടടുത്തുള്ള സ്ലീപ്പർ കോച്ചുകൾക്കാണ് തീപിടിച്ചത്. തൊട്ടടുത്ത പ്ലാറ്റ്‌ഫോമിൽ സിൽചാർ-അഗർത്തല തീവണ്ടി നിറയെ യാത്രക്കാരുമായി നിർത്തിയിട്ടിരുന്നു. തീപിടിത്തമുണ്ടായതോടെ ഈ വണ്ടി പ്ലാറ്റ്‌ഫോമിൽ നിന്ന് മാറ്റുകയായിരുന്നു.
